Acu & Talons conference

*
*
*
*

الموتمر الاول من نوعه في مصر 

وتحديدا في الاسكندريه الحبيبــــه

اسكندريه - بلا حوادث مروريه

تم بحمد الله اول مؤتمر سكندري - يهتم بالشارع السكندي وتطوير منظومه القيادة العامه والحد من حوادث الطرق

في تاريخ 

الجمعه 12 يناير 2018 

من الساعه 3 الي الساعه 6

« 1 of 3 »

بسم الله الرحمن الرحيم

 

السيدات و الساده
اسرة الجروب السكندري الكبير

A c u

السيدات والساده عملاء الاكاديميه

Talons Academy

والشعب السكندري الحبيب

اتوجه لكم جميعا بالشكر والتقدير لحضوركم اول مؤتمر وندوة سكندريه قامت بها الاكاديميه
لنشر الوعي والثقافه المروريه
ولدراسه اسباب الحوادث المستمره وطرق تفاديها
ووقوفكم وايمانكم بالفكرة ثم دعمها – ان دلت – فهي تدل علي تطلع الشعب السكندري –لطريق آمن
ومشاركة للشارع افضل
من هنا
وعلي جروبكم الخدمي المتميز
احب اشارككم الاخبار المبدئيه وبعض تفاصيل المؤتمر الاتيه 


تم الترحيب بفكره المؤتمر – وسوف يقام باذن الله المؤتمر الثاني  باحد الجهات الرسميه  الهامه بالاسكندريه

-----
 تم التشاور مع احد شركات التصوير التليفزيوني – لانتاج اول تصوير لاخطاء الغير وكيفيه التفادي – وسرعه رد الفعل والقيادة الوقائيه –و بتقنيات فنيه  عاليه الجوده ومع متخصصين
الهــــدف – تمثيل حدوث خطأ ما في شوارع معينه – كيفيه تخيلها وكيفيه تفاديها ومنع وقوعها من البدايه

----
اسره اليكس بايكرز – الشباب ال شرفونا وامتعونا بمناقشتهم – تم الاتفاق معاهم لمساعدتنا في هذا التصوير بدراجاتهم الناريه وبكل الاحترافيه والتنظيم الرائع ال بنشوفهم بيه في الشارع السكندري العام

----
 Mobile Application 

= وهي فكرة عجبت الجميع – باختصار : ابليكيشن علي موبيل – ساهل جدا الجميع الوصول له – تقدر تحط بنفسك اي معلومه هامه عن الطريق – مثل – زيت على الطريق – حادث – شابورة – حفره – بالوعه مفتوحه – انهيار ارضي – اي اي شئ يساعد على تخطي وقوع حادث 
وعند تحميل وقبول المعلومه – تيجي لك اشارة علي موبيلك 
مع الموقع بسهوله 
وهكذا 
مع معلومات ميكانيكيه وارشادات طريق واشارات مرور مستمرة
فقط – مع العلم – لا ولن يكون هناك اي شئ عن اماكن رادارات او كمائن – 
نحن نساعد على الحد من الحوادث – وليس العكس 

 --------

بيتم تجميع اهم النقاط والعوائق بالشارع السكندري والتي تم ذكرها في الموتمر وجاري متابعتها حسب اهميتها مع الجهات المسؤوله- لايجاد حلول – مع العلم : الحلول المطروحه ان تمت فستتم بالمجهود الشخصي التطوعي لكن تحت اشراف هذه الجهات وموافقتها ومتابعتها الرسميه

 
مثال : شوارع هامه بها مطبات صناعيه لا توجد بجانبها اي ارشادات او الوان 
ما الماده المطلوبه لدهان هذه المطبات – اين نقوم بشراءها – تطوعا – لا نطلب شئ مادي من اي جهه حكوميه –ثم ان تم الموافقه – فيتم التنفيذ من خلال قسم الشرطه التابع لهذه المنطقه 
------------
تم عرض فكره – او مبادرة – انت صحفي 
بمعني – اي شئ يقابلك في الشارع من اخطاء وسلبيات مروريه – صورة اكتب عنه – نبهنا له – وحيتم كتابه اسمك ودورك في منع وقوع حادث 
ولحين عمل الابليكيشن 
حيتم عمل صفحة مفتوحه علي الويبسايت الرسمي للاكاديميه يسهل لك تحميل المعلومات 
اول باول – وكمان معرفه الجديد علي مدار الساعه
WWW.TALONDRIVING.COM

 ملحوظه : جميع الاسماء والشخصيات والصفحات سيتم توجيهك اليها مباشرة بمجرد الضغط علي الاسم المطلوب

 -------------

حضر معانا : البطل السكندري والمتسابق الدولي 
الكابتن : محمد العنتبلي 
وهو تاريخ وعملاق في مجال الرالي وانضم للعديد للسباقات الرسميه الدوليه وحقق فوز كبير باسم مصر 
كابتن محمد العنتبلي – قرر مع اسره ومدرسه كبيره في مصر تدريب 
عدد من شباب محبي الصحراء  والرالي والتسابق 
في نادي السيارات باذن الله 
وبالاتفاق مع عمالقه الرالي في مصر 
ودا خبر رائع في حد ذاته 
لان تدريب الرالي مكلف جداااااااااااااااا وله ابعاد مختلفه واجهزة ملاحه ومتابعه وغيره 
لكن دا حيتم بمبالغ رمزيه حسب ما قال كابتن العنتبلي
من هنا 
عرفنا انه عاوزك تبعد عن الشارع – سيب الشارع العام للمواطن العام العادي ال بيستخدمه استخدام عادي
عاوز تجري – عاوز تسابق – مش الساعه 5 الفجر وتعرض نفسك وغيرك للخطر 
لا 
الفرص لكم احسن كتيررررررررر من فرصنا 
النهاردا 
ناس بتدعمك وتوجهك وتساعدك – طلع طاقتك – جوا مكان مخصص – امن – مجهز – كمان بعربيات مجهزة
الشارع للجميع – مش للتسابق

 ------------

تم شرح لاهم الشوارع الخطرة ومواقعها وطرق تفاديها قدر المستطاع
كما تم شرح اهم الاشارات المروريه وكيفيه ترجمتها في اي بلد او مكان 
مع بعض الارشادات الوقائيه

 ---------------------

مدة الموتمر والندوة المتوقعه كانت من ساعه ونصف ل ساعتين كحد اقصى 
لكن ما تم 
من الساعه 3 بدانا الي الساعه 6 تقريبا 
ولم يتم نقاش الا 20 % تقريبا من الموضوعات
حتي وقت الراحه لتناول المشروبات – تم والندوة مفتوحه 
لانها كانت تاخد الشكل الاسري بشكل اكبر 
والجميع يريد الوصول لنتائج ومعلومات

 
والمؤتمر كان في حوار مقابل حوار مع السادة الحضور ومع الساده المناقشين 
دلاله ذلك – اننا في حاجة الي المزيد من هذه الندوات 
فعلا 3 ساعات كانهم 3 دقائق

---------------------

كل الشكر والتقدير لتليفزيون الاسكندريه 
السيده علا مقلد 
وبرنامج اخر النهار المميز 
نخص بالشكر حرم السيد الدكتور \ القبطان : اشرف حلاوة

 -----------------------

كل الشكر والاحترام لفريق عمل 
ALEX BIKERS 
السيد : وسام احمد 
فعلا انتم مثال لراكبي الدرجات الناريه المحترم
واضفتم لنا العديد من المعلومات القيمه

------------------------- 
السيد : علي عبده – المغامر المصري
كلمته الجميله : اعرف انك لو ما بصيتش في المرايا او اديت اشاره ونتا داخل شارع 
ممكن تخلي واحد مايروحش بيته ويشوف عياله

--------------------------

 وايضا  الجريده المميزة 

الاخبار اوتو

وحضوركم  المشرف وتغطيه الحدث طوال الوقت 

--------------------------------

الاخ والصديق 

كابتن : سامح عبدالقوي 

ال كان المفروض حيشرفنا لولا دور البرد والتعب - الف سلامه علي حضرتك 

وتحيات كل اسكندريه لفريق

rev it up  

-------------------------- 

السيد : ايمن زيدان 
جروب ACU 
كلامك وتوجيهاتك بعدم التسابق في شوارع عامه – مراعاه شركاء الطريق 
لازم نطور من نفسنا 
لازم نتغير – الدول برا مش احسن مننا

 ---------------------------- 

شكرا للتغطيه المستمرة من

الاهرام اوتو 
الاستاذه : سماح زيد
اشكرك علي اسلوبك المميز وطريقة عرض مواضيعك الشيقه

-------------------

وشكر خاص لاشبال الدريفت 

عمار عبدالوهاب

دعاء مجدي 

 امتعتونا بفيلم رائع لعمار في بطولة دريفت

ودعاء هي اول مصريه - نازله  بطوله دريفت قويه جدا في مصر الشهر القادم 

اثبتوا للجميع - ان لا سن ولا جنس يفرق في رياضة السيارات

وان مكانها السليم - جوا التراك - في السباقات الرسميه المعتمده 

---------------------------- 

وعن مركز خدمه سيارات محترم - قابله تقريبا كل مشاكل حوادث طرق اسكندريه بسبب المطبات والحفر وغيره

باذن الله حيساعدنا بخبرته - في حل مشكل كتير 

وحيرفع لنا تقرير مفصل هندسي - عن  نوع المطب او الحفرة وكيفيه تاثيرها علي السيارة 

مع صور حقيقيه لسيارات كتير تلفت بسبب الشارع في مناطق معينه

وازاي مع الوقت تؤدي لحادث وازاي نتجنبه

مركز كريمه للسيارات

----------------------

واخيرا

اعرف حاجة مهمه 
ان افتتحنا كلنا اول المؤتمر 
بسورة الفاتحه 
مش عشان المؤتمر او الندوه 
لا 
عشان كل اخواتنا واصحابنا واهلنا ال توفاهم الله نتيجه خطاء الغير – نتيجه اهمال – نتيجه عدم معرفه بابسط قواعد المرور او الامان او حسن التصرف ف الموقف الطارئ

افتكر ان النبي صل الله عليه وسلم – كلمنا عن آداب الطريق – ومنها – كف الاذي 
انك تنبهني عن حفرة ما – فانت اخذت الثواب ومنعت الاذي 
انك تستهر و -تاكل غرزه - مؤزيه وتجعلني اتوتر او اخبط في حد بسببك – فانت اذتني – ولا شطارة 
ولا مهارة قياده

من يستطيع تاديه الاشياء بمهارة – ليس بحاجة الي عرضها للناس
عاوز تورينا مهاراتك – انزل السباقات الرسميه المعتمده فرجنا – انت في التراك – ورينا مستواك 
وحنا في المدرجات – بعيد عنك في امان – وتجهيزات

الاهم 
الندوات – الموتمرات – التنبيهات وغيره 
لو قعدنا 20 سنه نعملها – وحضرتك من جواك مش ناوي تتغير – ارجوك بلغنا – ونوفر المجهود والتعب 
بسم الله الرحمن الرحيم
انَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِم
صدق الله العظيم

اما عن كلمتي الشخصيه باختصار 

اذا اردت ان تعرف ثقافه واخلاق شعب ما – فانظر الي اسلوبه في القيادة في الشارع العام 
امضاء 
محمد ابوالمعاطي
Talons Academy

 

about  A  C U 

Alexandria cars union 

 

شكرا خاص

لفريق عمل

Talons Academy

 

والذي ما زال يعمل معي منه الي الان ومنذ عام 2001

ومنهم من لا يعمل معي حاليا بشكل كامل - لكن لا يستطيع اي يجد حدث او ايفنت او موتمر او ندوة 

او حفله او سباق - اوي اي شئ يخص الاكاديميه 

الا واجده امامي ويقوم بعمله علي اكمل وجهه وكانه كان موجود منذ ساعات فقط وليس اعوام 

اشكركم ما حييت - واشكر دعمكم لاكاديميتكم - والتي ان نجحت - فهي نجحت بمجهودكم

البعض منكم الان في مراكز عمل مرموقه - والاصيل منكم - مازال مفتاح  باب الاكاديميه في جيبه  

وسيبقي

تحياتي لكم فريق العمل 

ادام الله عليكم جميعا النجاح والرقي والتفوق

اخوكم

محمد

===

فريق الادارة والسكرتاريا 

ايمان محمد

نهال فاروق

غاده فراج


المدير الفني 

احمد مجدي

الساده المدربين 

اسلام هلال 

محمد سالم 

احمد البلتاني

بدر محمد

عصام كامل

احمد صبحي

محمد صبحي

احمد السيد نيسان

رافت مجدي

علي كساب

احمد علي 

اسامه الرفاعي 

محمد مغاذي

احمد ابوريان